Тропарь

Всепетая и Всеславная Царице Богородице, христианская Надеждо и Заступнице, Призри на нас прилежно Тебе молящихся, и на пречистый образ Твой благоговейно взирающих и умиленно к Тебе вопиющих: покрый нас от всякого зла, от видимых и невидимых благ защити, и спаи души наша.

Кондак

Взбранной воеводе победительная, яко избавльшеся от злых явление Твоего честнаго образ, Богородице Владычице, светло празднуем Твое пришествие к нам и во умилении зовем Ти: радуйся, Невесто Неневестная.

Величание Величаем Тя, Пресвятая Дево Богоизбранная Отроковице и чтим образ Твой святый, имже точищи исцеления всем с верою притекающим.

Кондак1

Избранней от всех родов Царице и Владычице благодарственная пения принесем о явлении чудныя иконы Ея, и многия милости ею роду христианскому дарующей. Ты же, яго благая Предстательница пред Господем, умоли Сына Твоего и Бога нашего даровати нам наследие благ вечных, да радующеся о Тебе взываем:

Радуйся, Преславная Владычице, надеждо наша и утешение.

Икос 1

Ангельская воинства непрестанно славословят Богородицу, благоговейно окружающе, и вся созывающе верныя на поклонение. Приидите убо, исполним радостию сердца наша о явлении чудотворныя иконы Ея на острове Васькове дивно представшия. Мы же грешнии недоумеем: откуду начнем восхваляти Тя по достоянию, обаче дерзающе на благосердие Твое, приносим Ти похвалы сия:

Радуйся, явлением иконы Твоея вся люди просвещающая;

Радуйся, икону Твою на земли светом наземным озарившая;

Радуйся, Церковь Христову прославившая тоя явлением;

Радуйся, чудес преславных свершение;

Радуйся, новое знамение благодати в Церкви являющая;

Радуйся, явлением иконы Твоея тьму лютых обстояний отгоняющая;

Радуйся, Преславная Владычице, надеждо наша и утешение.

Кондак 2

Ведящи скорбное житие людей земли Полесския, Ты даровала им во утешение икону Твою честную, юже некий поселянин Иоанн обрете на древе в сиянии явившуюся. Мы же, ныне предстояще пред образом святым сим и всем сердцем  радующееся, взываем ко Всевышнему Богу: Аллилуиа.

Икос 2

Разумом просвещен от Бога и уразумев тайну чудеснаго явления на древе иконы Твоея, Владычице, един раб Твой сооруди храм на месте сем. Ты же, Дево Богородице, прослави место сие чудесы многими, да вси притекающии к образу Твоему святому приимут утешение. Тако и мы, взирающее на образ сей святый, взываем Ти:

Радуйся, Обрадованная, землю нашу осенившая Твоим пришествием;

Радуйся, Белыя Руси утешение;

Радуйся, отрадо наша и дивное о нас попечение;

Радуйся, душ наших освящение;

Радуйся, иконою бо Твоею вернин от бед схраняются;

Радуйся, яко от ея источники чудес окрест источаются;

Радуйся, Преславная Владычице, надеждо наша и утешение.

Кондак 3

Сила Вышняго заступлением Богоматере осени место, еже речется святый остров, и яко пространное показа всем в житии привременнем хотящим жати спасение, внегда пети сице: Аллилуиа.

Икос 3

Имущи промышление о людех края Полесскаго, устроила еси весь в самем месте, идеже явися икона Твоя, в тихое пристанище ищущим спасения, да вси радостно взывают:

Радуйся, икону Твою нам от лет древних даровавшая;

Радуйся, яко тою путь спасения нам показавшая;

Радуйся, благочестивых христиан защито и похваление;

Радуйся, саде живоносный;

Радуйся, граде одушевленный;

Радуйся, селение Бога и Слова;

Радуйся, Преславная Владычице, надеждо наша и утешение.

Кондак 4

Бурю помышлений сумнительных име градоправитель, егда восхоте пренести икону Твою честную, о Богомати, во град Ельск многих чудес Твоих ради. Ты же, Всепетая, дивными от иконы Твоея знамениями уверила еси противящихся благому немерению, да воспоют Богу славную песнь: Аллилуиа.

Икос 4

Слышавше благочестивии людие благословение архипастыря на пренесение образа Твоего, Богородице, соорудиша стезю пространную, ведущую во град Ельск и с песньми и ликовании многими пренесоша икону Твою; да и мы убо, радующеся, Владычице, о Твоем шествии, с веселием воспеваем Ти сице:

Радуйся, пришествием святыя иконы Твоея град Ельск озарившая;

Радуйся, болезни душевныя и телесныя скоро нам врачующая;

Радуйся, Мати Бога Истиннаго, благочестием души просвещающая;

Радуйся, радостию Божественною печали наша утоляющая;

Радуйся, утешение Твое нам подати поспешающая;

Радуйся, богатство исцелений нам изливающая;

Радуйся, Преславная Владычице, надеждо наша и утешение.

Кондак 5

Боготечне шествующи во град Ельск, икона Твоя, Пресвятая Богородице, повсюду являше славу Твою и Сына Твоего, Христа Бога нашего, вопиющим Ему: Аллилуа.

Икос 5

Видевше жителие града Ельска дивное пренесение чудотворныя иконы Твоеся, Пресвятая Дево, благодарственную песнь воспеша Ти сице:

Радуйся, иконою Твоею к Богу нас приводящая;

Радуйся, еюже токи чудес истощающая;

Радуйся, Пречистая, от иконы Твоея милости обильно нам подающая;

Радуйся, яко иконою Твоею всяко место освящаеши;

Радуйся, яко на ню взирающее, Тебе, поклоняемся;

Радуйся, яко Ты наше благое спасение;

Радуйся, Переславная Владычице, надежда наша и утешение.

Кондак 6

Слава изыде во вся грады и веси земли нешея о чудесех от святыя иконы Твоея бывших, владычице, како слепении розирают, болящии исциления получают, верни людие во множестве во храм святый Твой притекают, чающее получити милости Твоя, сверою в сердце поющее Богу: Алилуиа.

Икос 6

Искушения всякаго и страстей избави нас, Всенепорочная! Ущедри, спаси, возвесели ны и от лютых враг защити, да поем Тебе песнь:

Радуйся, печалей утоление;

Радуйся, бурю страстей наших утишающая;

Радуйся, ангелов песнь непрестанная;

Радуйся, молитвеннице наша усердная;

Радуйся, всех безнадежных надеяние;

Радуйся, купино неопалимая;

Радуйся, Преславная Владычице, надеждо наша и утешение.

Кондак 7

Хотящи явити Свою любовь к нам недостойным, Дево Пречистая, даровала еси нам икону Твою, яже именуется Васьковская, да видящее чудеса, от нея бывшая, вси людие с верою и надеждою на помощь Твою со умилением взывают ко Источнику чудес Спасителю нашему: Аллилуиа.

Икос 7

Дивна сотворил еси Твоя чрез Пречистую Матерь Твою, Господи, и дивну даровал еси нам Ея икону, паче лучей солнечных просвещающую людей, яко и храм Твой, идеже образ святый пребысть, многочастие озаряся светом несозданным. Просвети и нас, Пресвятая Дево, верою сердечною от души с любовию воспиющих тебе таковая:

Радуйся, светом Божественным от иконы Твоея всех нас просвещаюшая;

Радуйся, иконою Твоею, яко столпом огненным, мрак греха отгоняющая;

Радуйся,  высшая небес и чистшая светлостей солнечных;

Радуйся, всенепорочная палато Царя славы;

Радуйся, скрижань Богом, писанная;

Радуйся,  законоположника Христа явившая;

Радуйся, Преславная Владычице, надеждо наша и утешение.

Кондак 8

Чудное дело видим, Богородице, егда и расслаблении восстают и одержимии бесами здравии бывают, к чудней иконе Твоей со усердием притекающее, Всеблагая Владычице, темже и мы, припадающе к ней, молимся: сохрани нас от прилогов диавольских и сподоби в любви и единомыслии со всеми святыми благоприятно пети Создателю нашему песнь: Аллилуиа.

Икос 8

Все упование на Тя возлагаем, Пресвятая Владычице, пред святою иконою Твоею усердно молящеся, чаем получити от Тебе в болезнех наших исцеление, в скорбех утешение, грехов оставление и в радостех наших Тебе воспевати:

Радуйся, предстательство христиан непостыдное;

Радуйся, ходатайство ко Творцу непреложное;

Радуйся, скиние Царя Небесного;

Радуйся, Дево Богоизбранная, святейшая в Церкви Божией;

Радуйся, всех Зиждителя в ложеснах Твоих носившая;

Радуйся, заре светлейшая;

Радуйся, Преславная Владычице, надеждо наша и утешение.

Кондак 9

Вси людие земли Полесския прославиша Тя Богамати, егда по молитве пресвитера Иакова пред иконою Твоею от недуга тяжкаго жена некая исцелися; такоже и мы прославляем Тя, поюще Сыну Твоему: Аллилуиа.

Икос 9

Витий глаголы не довлеют ко изглаголанию чудес Твоих, Пречистая Богородице, яко во утешение страждущей от духа нечиста рабе Божией Анне низпослала свыше исцеление, избавивши ея от прелести бесовския и приведши ея к вере Православной, якода познает Бога истиннаго. Сего чудесе ради, с нею бывшего, мы воспоем Тебе:

Радуйся,призывающим Тя милость являющая;

Радуйся, помощь Твою нам подающая;

Радуйся, иконою Твоею печали наша утоляющая;

Радуйся, лучами чудес всех просвещающая;

Радуйся, яко Тобою беси поражаются;

Радуйся, козни вражия разрушающая;

Радуйся, Преславная Владычице, надеждо наша и утешение.

Кондак 10

Спасти хотящи, Пресвятая Богородице, страждущего тяжким  недугом мужа Евстратия, исцеление подала еси ему чрез икону Свою Васьковскую. Сей же помазался елеем от иконы Твоея и абие исцелен бысть. Посему радуяся, возблагодри Тя и возопи Господу: Аллилуиа.

Икос 10

Основанием веры явилася еси, Богородице, боголюбивому отроку Филимону, зане сей разслаблен бысть телесем своим, егда положен бысть пред чудотворным образом Твоим, Пресвятая Владычице, и помазан елеем от иконы Твоея, исцеление прием. Мы же, благодать Твою видевше, яко и расслаблении восстают, победную песнь и приносим Ти сице:

Радуйся, телес наших врачевание;

Радуйся, душ наших спасение;

Радуйся, веры нашеяя укрепление;

Радуйся, непрестанное человек удивление;

Радуйся, по Бозе наше прибежище и заступление;

Радуйся, пастырей Святыя Церкви наставление;

Радуйся, Преславная Владычице, надеждо наша и утешение.

Кондак 11

Пение молебное наше, с верою Тебе приносимое, милостивно услыши, Пресвятая Дево, и утробу щедрот Твоих не затвори нам, Всещедрая Богородице, яко во дни  скорбных обстояний помощь святую являеши нам во спасение. Памятуем, Владычице, Твое вразумение, егда невернии храм Твой святый, идеже образ бысть, разориша, Ты икону Свою святую благоволила еси укрытии тем от поругания ея спасла ея. Ие остави нас предстательством Твоим к Сыну Твоему и Богу нашему, Ему же поем: Аллилуиа.

Икос 11

Светозарно возсия икона Твоя святая, явленная нам на освящение наше и утешение. Мы же, с любовию чтуще ю, с верою припадаем, пред ней хвалебную песнь Тебе приносяще:

Радуйся, Богом Отцом избранная;

Радуйся, чины ангельскими воспеваемая;

Радуйся, на земли от человеки прославляемая;

Радуйся, словес всяческих высшая;

Радуйся, от бед нас ограждающая;

Радуйся, заступленице христиан;

Радуйся, Преславная Владычице, надеждо наша и утешение.

Кондак 12

Благодать Божия, сопутствующая иконе Твоей, Владычице, влечет к ней вся в скорбех и болезнех пребывающия, и не тщетны сии отходят, неоскудно получающее цельбы от чудотворнаго образа Твоего, благодарственного воспевающее Богу: Аллилуиа.

Икос 12

Поюще Твое пред Богом всемощное предстательство и воспомиающе чудеса, явленныя Тобою чрез святую икону, молим Тя, Пресвятая Дево: буди земли нашей Заступница, умоли Сына Твоего, Христа Бога нашего, даровати нам оставление грехов, да вси благодарно восхвалим Тя сице:

Радуйся, милости Своя на ны источающая;

Радуйся, небесную отраду в сердца наша изливающая;

Радуйся, с небесе ны посещающая;

Радуйся, омофором Своим нас покрывающая;

Радуйся, моления земная приемлющая;

Радуйся, Сыну Твоему их приносящая;

Радуйся, Преславная Владычице, надеждо наша и утешение.

Кондак 13

О, Всемолистивая Владычице, Заступнице рода христианского, прими моление наше малое, Тебе единей воспеваемое, прославляюще прославляем дивный Твой образ Васьковский, чудесы многими осиянный. Не остави молящихся пред ним и сподоби нас в Царствии Небесным с чистым сердцем хвалу Богу воспевати: Аллилуиа.

Молитва

Приидите, людие, к благодатному милостей источнику – пречудному образу Пречистыя Девы, имже во времена древние край Полесский в вере утвердися, имже пустынное место в веси Васьковстей в источник благодатных дарований нам от Господа соделася. К кому убо прибегнем ныне, аще не к Тебе, Владычице мира? О Всепетая Мати наша Богородице! Услыши нас недостойных, молящихся Тебе пред чудотворным образом Твоим, еже избавитися нам от всякого навета лукавого и сохранитися нам неврежденным от прилога диавольского. Не отрини слез наших и воздыханий, да Твоим заступлением и покровом спасаеми, славу, хвалу, благодарение и поклонение за вся Троице Единому Богу и всех Создателю возсылаем, ныне и присно и во веки веков. Аминь.